بھیجے گئے فتوے تلاش کریں۔

الخميس 4 ديسمبر 2025 / 13 من جمادی الثانی-1447 هـ

زیر سرپرستی:فضیلة الشيخ ڈاکٹر/ وصی اللہ بن محمد عباس حفظه الله (مدرس مسجد حرام، مکہ مکرمہ)

آپ کا سوال۔

بھیجے گئے فتوے تلاش کریں۔

ناقال استعمال قرآن مجید جلادینے کا کیا حکم ہے؟

تاریخ اشاعت: 12 اگست 2025

نظاروں کی تعداد۔: 207

سوال

تجربہ

جواب

تجربہ

الحمد للہ والصلاۃ والسلام علی رسول اللہ وآلہ وصحبہ ومن والاہ۔ أما بعد:

امتِ مسلمہ کا اس بات پر اجماع ہے کہ قرآنِ مجید مقدس کتاب ہے، اور اس کی تعظیم کرنااور اسےبے حرمتی سے بچانا واجب ہے۔ قرآن کی تعظیم دراصل اللہ تعالیٰ کی تعظیم ہے، اللہ تعالى ارشاد فرماتے ہیں:

” ذَٰلِكَۖ وَمَن يُعَظِّمۡ شَعَٰٓئِرَ ٱللَّهِ فَإِنَّهَا مِن تَقۡوَى ٱلۡقُلُوبِ ” الحَج : 32

یعنی: "یہ ہے (اللہ کا حکم)، اور جو شخص اللہ کی نشانیوں کی تعظیم کرتا ہے، تو بے شک یہ دلوں کے تقویٰ میں سے ہے۔”

اگر قرآنِ مجید کے صفحات اس طرح ہو جائیں کہ ان سے فائدہ اُٹھانا ممکن نہ رہے، مثلاً وہ بالکل خراب یا پھٹ چکےہوں، تو ایسی صورت میں اسے انتہائى ادب واحترام کے ساتھ ضائع کرنا جائز ہے۔

علمائے کرام نے اس کے تلف (ضائع) کرنے کے دو طریقے بیان کیے ہیں:

دفن کرنا:یعنى اسے زمین میں دفن کر دیا جائے۔

یہ طریقہ متعددحنفی اور حنبلی فقہاء نے بیان کیا ہے۔

حنفی فقیہ "حصکفی” فرماتے ہیں:

« الْمُصْحَفُ إذَا صَارَ بِحَالٍ لَا يُقْرَأُ فِيهِ : يُدْفَنُ ؛ كَالْمُسْلِمِ»^([1])۔

"جب قرآن ایسی حالت میں ہو جائے کہ اس سے پڑھا نہ جا سکے، تو اسے دفن کر دیا جائے، جیسے کسی مسلمان کو دفن کیا جاتا ہے۔”

اس پر تعلیق لگاتے ہوئے شارح نے لکھا ہے:

«أي يجعل في خرقة طاهرة ، ويدفن في محل غير ممتهن ، لا يوطأ »

"یعنی قرآن کو پاک کپڑے میں لپیٹ کر ایسے مقام پر دفن کیا جائے جو پامال نہ ہو۔”

حنبلی فقیہ "البهوتی” لکھتے ہیں:

« وَلَوْ بَلِيَ الْمُصْحَفُ أَوْ انْدَرَسَ دُفِنَ نَصًّا ، ذَكَرَ أَحْمَدُ أَنَّ أَبَا الْجَوْزَاءِ بَلِيَ لَهُ مُصْحَفٌ فَحَفَرَ لَهُ فِي مَسْجِدِهِ فَدَفَنَهُ » ^([2])۔

"اگر قرآن بوسیدہ یا مٹ چکا ہو تو اسے دفن کرنا نصاً جائز ہے۔ امام احمد بن حنبل نے ذکر کیا کہ ابو الجوزاء نے جب اپنا قرآن پرانا پایا تو انہوں نے مسجد میں گڑھا کھود کر دفن کر دیا۔”

شیخ الاسلام ابن تیمیہ رحمہ اللہ فرماتے ہیں:

«وأما المصحف العتيق والذي تَخرَّق وصار بحيث لا ينتفع به بالقراءة فيه ، فإنه يدفن في مكان يُصان فيه ، كما أن كرامة بدن المؤمن دفنه في موضع يصان فيه»^([3])۔

"پرانا قرآن، جو پھٹ چکا ہو اور جس سے اب تلاوت ممکن نہ ہو، اسے ایسے مقام پر دفن کیا جائے جو محفوظ ہو، جیسے مؤمن کے جسم کی عزت دفن سے ہوتی ہے۔”

آگ سے جلا دینا:

بعض اہل علم کا یہ قول ہے کہ خراب یا بوسیدہ قرآنِ مجید کو آگ سے جلا دینا جائز ہے۔ یہ مالکیہ اور شافعیہ کا موقف ہے، ان کى دلیل یہ ہے کہ حضرت عثمان رضی اللہ عنہ نے قرآنِ مجید کو ایک مصحف میں جمع کرنے کے بعد باقی تمام نسخے جلانے کا حکم دیا تھا۔

حضرت عثمان کے مصاحف جلانے کے واقعہ کى تفصیل درج ذیل ہے:

حضرت انس بن مالك رضى الله بيان كرتے ہیں:

«… ‌فَأَرْسَلَ ‌عُثْمَانُ ‌إِلَى ‌حَفْصَةَ: أَنْ أَرْسِلِي إِلَيْنَا بِالصُّحُفِ نَنْسَخُهَا فِي الْمَصَاحِفِ ثُمَّ نَرُدُّهَا إِلَيْكِ، فَأَرْسَلَتْ بِهَا حَفْصَةُ إِلَى عُثْمَانَ، فَأَمَرَ زَيْدَ بْنَ ثَابِتٍ، وَعَبْدَ اللهِ بْنَ الزُّبَيْرِ، وَسَعِيدَ بْنَ الْعَاصِ، وَعَبْدَ الرَّحْمَنِ بْنَ الْحَارِثِ بْنِ هِشَامٍ، فَنَسَخُوهَا فِي الْمَصَاحِفِ، وَقَالَ عُثْمَانُ لِلرَّهْطِ الْقُرَشِيِّينَ الثَّلَاثَةِ: إِذَا اخْتَلَفْتُمْ أَنْتُمْ وَزَيْدُ بْنُ ثَابِتٍ فِي شَيْءٍ مِنَ الْقُرْآنِ فَاكْتُبُوهُ بِلِسَانِ قُرَيْشٍ، فَإِنَّمَا نَزَلَ بِلِسَانِهِمْ، فَفَعَلُوا، حَتَّى إِذَا نَسَخُوا الصُّحُفَ فِي الْمَصَاحِفِ رَدَّ عُثْمَانُ الصُّحُفَ إِلَى حَفْصَةَ، وَأَرْسَلَ إِلَى كُلِّ أُفُقٍ بِمُصْحَفٍ مِمَّا نَسَخُوا، وَأَمَرَ بِمَا سِوَاهُ مِنَ الْقُرْآنِ فِي كُلِّ صَحِيفَةٍ أَوْ مُصْحَفٍ أَنْ يُحْرَقَ». ^([4])۔

"… حضرت عثمان نے حفصہ کو پیغام بھیجا کہ ہمیں وہ صحیفے بھیج دو تاکہ ہم ان سے مصاحف تیار کریں، پھر ہم تمہیں واپس کر دیں گے۔ حفصہ نے صحیفے بھیج دیئے، تو حضرت عثمان نے زید بن ثابت، عبداللہ بن زبیر، سعید بن عاص اور عبدالرحمن بن حارث کو حکم دیا کہ وہ انہیں نقل کریں۔ جب مصاحف تیار ہو گئے تو عثمان نے ہر علاقے میں ایک مصحف بھیجا، اور جو کچھ بھی دیگر صحیفوں یا مصاحف میں قرآن تھا، ان کو جلانے کا حکم دیا۔”

مصعب بن سعد سے روایت ہے:

«أدركت الناس متوافرين حين حرق عثمان المصاحف ، فأعجبهم ذلك ، لم ينكر ذلك منهم أحد». ^([5])۔

"میں نے لوگوں کو دیکھا کہ جب حضرت عثمان نے مصاحف جلائے، تو سب اس پر متفق تھے اور کسی نے انکار نہ کیا۔”

شارح بخارى ابن بطال رحمہ اللہ فرماتے ہیں:

"حضرت عثمان کا مصاحف اور صحیفوں کو جلانے کا حکم دینا اس بات کی دلیل ہے کہ ایسی کتابیں جن میں اللہ تعالیٰ کا نام ہو، انہیں جلانا جائز ہے تاکہ ان کی بے حرمتی نہ ہو، مثلاً پاؤں تلے نہ آئیں یا زمین پر نہ پڑی رہیں۔” ^([6])۔

مزید بیان کرتے ہیں کہ:

"معمر نے ابن طاؤس سے روایت کی کہ ان کے والد خطوط اور صحیفے جن پر ‘بسم اللہ الرحمٰن الرحیم’ لکھا ہوتا، جمع ہو جانے پر انہیں جلا دیتے تھے، اور عروہ بن زبیر نے بھی ‘یوم الحَرَّہ’ کے دن اپنے فقهی نوٹس جلا دیے تھے۔ جبکہ ابراہیم نے ایسی صحیفوں کو جلانے کو ناپسند کیا جن پر اللہ کا ذکر ہوتا۔ لیکن جن لوگوں نے جلانے کو جائز کہا، ان کا قول زیادہ درست ہے” ^([7])۔

دفن اور جلانے، دونوں اقوال کی اپنی اپنی دلیل ہے، اس لئے اگر کوئی شخص ان میں سے کوئی بھی طریقہ اختیار کرے تو ان شاء اللہ اس پر کوئی حرج نہیں۔ تاہم جلانے والا قول صحابہ سے منقول ہونے کی وجہ سے زیادہ راجح (ترجیح یافتہ) ہے۔

البتہ آج کے زمانے میں کاغذ کاٹنے والی مشین (paper shredder) استعمال نہ کى جائے تو بہتر ہے۔

واللہ اعلم

([1]) الدر المختار، 1/ 191۔

([2]) کشاف القناع، 1/137۔

([3]) مجموع الفتاویٰ، 12/599۔

([4]) صحیح بخارى، حديث نمبر (4987)۔

([5]) کتاب المصاحف، ابو بکر بن ابی داود، حديث نمبر (41)۔

([6]) شرح صحیح بخاری، 10/226۔

([7]) شرح صحیح بخاری، 10/226۔

اجابة بواسطة:

علمی کمیٹی

مضمون کا اشتراک کریں

متعلقہ فتوے