الخميس 4 سبتمبر 2025 / 12 من ربیع الاول-1447 هـ

زیر سرپرستی:فضیلة الشيخ ڈاکٹر/ وصی اللہ بن محمد عباس حفظه الله (مدرس مسجد حرام، مکہ مکرمہ)

ذبح کئے ہوئے جانور کےخون کو بیچنا؟

تاریخ اشاعت: 13 اگست 2025

نظاروں کی تعداد۔: 40

سوال

تجربہ

ہمارے یہاں بعض قصائى جانور ذبح کرنے کے بعد اس کے خون کو بیچتے ہیں، كیا یہ جائز ہے؟

جواب

تجربہ

الحمد للہ والصلاۃ والسلام علی رسول اللہ وآلہ وصحبہ ومن والاہ۔ أما بعد

جانور ذبح کرتے وقت بہنے والا خون نجس اور ناپاک ہوتا ہے۔ قرآن مجید میں اللہ تعالى نے بہت صراحت کے ساتھ اس کے ناپاک ہونے کا تذکرہ کیا ہے۔ اللہ تعالى فرماتے ہیں:

قُل لَّآ أَجِدُ فِي مَآ أُوحِيَ إِلَيَّ مُحَرَّمًا عَلَىٰ طَاعِمٖ يَطۡعَمُهُۥٓ إِلَّآ أَن يَكُونَ مَيۡتَةً أَوۡ دَمٗا مَّسۡفُوحًا أَوۡ لَحۡمَ خِنزِيرٖ فَإِنَّهُۥ رِجۡسٌ أَوۡ فِسۡقًا أُهِلَّ لِغَيۡرِ ٱللَّهِ بِهِۦۚ فَمَنِ ٱضۡطُرَّ غَيۡرَ بَاغٖ وَلَا عَادٖ فَإِنَّ رَبَّكَ غَفُورٞ رَّحِيمٞ ۔ الأَنۡعَام : 145

"آپ کہہ دیجئے جو کچھ احکام بذریعہ وحی میرے پاس آئے ان میں تو میں کوئی حرام نہیں پاتا کسی کھانے والے کے لئے جو اس کو کھائے، مگر یہ کہ وہ مردار ہو یا کہ بہتا ہوا خون ہو یا خنزیر کا گوشت ہو، کیونکہ وہ بالکل ناپاک ہے یا جو شرک کا ذریعہ ہو کر غیر اللہ کے لئے نامزد کردیا گیا ہو (١) پھر جو شخص مجبور ہوجائے بشرطیکہ نہ تو طالب لذت ہو اور نہ تجاوز کرنے والا ہو تو واقع ہی آپ کا رب غفور و رحیم ہے۔”

اس آيت سے واضح ہوا کہ بہتا ہوا خون کھانا حرام ہے۔ ^([1])۔

اورجب کوئى چیز حرام ہو تو اس کى تجارت اور اس سے حاصل ہونے والى آمدنى بھى حرام ہے۔

حضرت عبد اللہ بن عباس رضى اللہ عنہما سے روایت ہے کہ رسول اللہ ﷺ فرماتے ہیں:

«لَعَنَ اللهُ الْيَهُودَ، حُرِّمَتْ عَلَيْهِمِ الشُّحُومُ، فَبَاعُوهَا وَأَكَلُوا أَثْمَانَهَا، وَإِنَّ اللهَ عز وجل إِذَا حَرَّمَ أَكْلَ شَيْءٍ، حَرَّمَ ثَمَنَهُ » ^([2])۔

"یہود پر اللہ کى لعنت ہو۔ ان پر چربیوں (چکنائیوں) کو حرام کر دیا گیا، پس انہوں نے انہیں بیچ دیا اور ان کی قیمتیں کھا لیں۔ بے شک، جب اللہ عز و جل کسی چیز کے کھانے کو حرام قرار دیتا ہے، تو اس کی قیمت کو بھی حرام قرار دیتا ہے”۔

یہودى پر چربى حرام کردى گئى تھى۔ انہوں نے اسے پگھلاکر تیل بناکے بیچ دیا۔ جس کى بنا پر وہ لعنت کے مستحق ٹھرے۔

اس سےپتہ چلا کہ بہتا ہوا خون بیچنا جائز نہیں۔

واللہ اعلم

([1]) تفصیل کے لئے دیکھیں: تفسیر ابن کثیر، 3/317۔

([2]) مسند احمد، حديث نمبر (2678)۔ محقق نے حدیث کو صحیح کہا ہے۔

اجابة بواسطة:

علمی کمیٹی

مضمون کا اشتراک کریں

متعلقہ فتوے